Wer sind wir

Üseri Idee wird Tatsach

Wänn sich d’Nicole e Idee in Chopf setzt schint nüt dra vorbi z’füehre sie au umzsetze 🙂 Also hät sie damit agfange Lüt zäme z’trummle wo interessiert dra sind binere Fasnachtsgruppe mitzmache. Gli hät sich es Trüppli gfunde. Mer händ e ersti Sitzig gmacht zum usefinde als was mir wänd ga, respektive was euses Motto söll sie, wie euse Kostüm ungefähr soll usgseh und wie mer heisse wänd. Mit sehr viel Enthusiasmus sind Ideeä gsammlet worde und bald hämmer euses Motto gfunde. Anere zweite Sitzig sind denn d Schützi-Tümpler offiziell gebore/entstande. Ab denn händ mir eus regelmässig troffä und mit viel Spass, Elan und Herzbluet oisi ersti Maske und oises ersti Kostüm erstellt.